Katika miezi tisa iliyopita Yemen imeshambulia meli 170 za Marekani na Wazayuni

 

Katika miezi tisa iliyopita Yemen imeshambulia meli 170 za Marekani na Wazayuni

Aug 08, 2024 06:32 UTC
  • Katika miezi tisa iliyopita Yemen imeshambulia meli 170 za Marekani na Wazayuni

Tovuti ya habari ya Yemen imetangaza katika ripoti yake kuwa katika kipindi cha miezi tisa iliyopita vikosi vya ulinzi vya nchi hiyo vimezishambulia meli 170 za Wamarekani na Wazayuni.

 Almasirah imeeleza katika ripoti yake iliyochunguza operesheni zilizofanywa na vikosi vya ulinzi vya Yemen kati ya Novemba 2023 hadi Julai mwaka huu kwamba katika operesheni hizo, vikosi hivyo vimezilenga meli zipatazo 170 zenye uhusiano na adui Mzayuni.
 
Kwa mujibu wa ripoti hiyo, meli 41 kati ya zilizopigwa zilikuwa za adui wa Kizayuni, meli 72 za Marekani na meli 12 zilikuwa za Uingereza.
 
Ripoti hiyo imeongeza kuwa, kati ya hizo zote, karibu meli 45 zimeshambuliwa na jeshi la Yemen kutokana na kukiuka marufuku ya kuingia katika bandari za utawala wa Kizayuni katika ardhi zinazokaliwa kwa mabavu za Palestina.

Almasirah imemalizia ripoti hiyo kwa kubainisha kuwa katika operesheni zake hizo, vikosi vya ulinzi vya Yemen vimeshambulia jumla ya vyombo 49 vya kivita zikiwemo manowari, meli za kivita za kushambulia, boti za kivita na meli za kubebea ndege za kivita.

 
Jeshi la Yemen ambalo limekuwa bega kwa bega na Wapalestina wa Ghaza tangu ulipoanza uvamizi na mauaji ya kimbari yanayofanywa na jeshi katili la Kizayuni dhidi ya Wapalestina hao; na likiwa hadi sasa limetiwa hasara kubwa kutokana na mashambulizi ya ndege za kivita za Marekani na Uingereza, limetangaza kuwa, operesheni za vikosi vya ulinzi vya nchi hiyo dhidi ya meli za Israel au zinazoelekea bandari za utawala huo katika ardhi zinazokaliwa kwa mabavu zitasitishwa pale tu uvamizi na mzingiro waliowekewa watu wa Palestina katika Ukanda wa Ghaza vitakapokomeshwa.
 
Wizara ya Afya ya Palestina imetoa ripoti mpya ya idadi ya Wapalestina waliouliwa shahidi na kujeruhiwa kutokana na jinai za utawala wa Kizayuni katika Ukanda wa Ghaza na kueleza kuwa tangu yalipoanza mashambulizi ya jeshi la utawala wa Kizayuni dhidi ya Ukanda wa Ghaza, hadi sasa watu elfu 39,677 wameuawa shahidi na wengine 91,645 wamejeruhiwa.../

Comments

Post a Comment

Popular posts from this blog

Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa

Image
  Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa Mashirika yaliyotia saini Azimio la Machi 31 yamefanya mkutano na waandishi wa habari siku ya Jumatano, Novemba 20, kutaka wafungwa wote wa kisiasa waachiliwe. Haya yanajiri wakati mawaziri na viongozi 11 wa zamani wa vyama vya siasa wanaodai kurejeshwa kwa utaratibu wa kikatiba wamekuwa kizuizini kwa zaidi ya miezi mitano. Wanachama wote wa jukwaa hili, wanashitakiwa kwa "upinzani wa utumiaji wa mamlaka halali", haswa. Imechapishwa: 21/11/2024 - 05:03 Dakika 2 ...
Read more

Raia wa Somaliland, eneo lililojitenga na Somalia wanashiriki uchaguzi mkuu

Image
  Raia wa Somaliland, eneo lililojitenga na Somalia wanashiriki uchaguzi mkuu Wakaazi wa jimbo la Somaliland, lililojitenga na Somalia miaka 33 iliyopita, wanapiga kura leo kumchagua rais, kipindi hiki kukiwa na msukosuko wa kidiplomasia kai ya utawala wa Mogadishu na nchi jirani ya Ethiopia, iliongia mkataba wa kibiashara na usalama na jimbo hilo. Imechapishwa: 13/11/2024 - 05:54 Dakika 1 Hargeisa, Somaliland. 16 September 2021. AFP - EDUARDO SOTERAS ...
Read more

Iran yailaani Daesh (ISIS) kwa kumuua waziri wa serikali Taliban Afghanistan

Image
  Iran yailaani Daesh (ISIS) kwa kumuua waziri wa serikali Taliban Afghanistan Dec 12, 2024 06:28 UTC Msemaji wa Wizara ya Mambo ya Nje ya Iran amelaani mauaji ya Khalil-ur-Rehman Haqqani, waziri wa masuala ya wakimbizi wa serikali ya kundi la Taliban nchini Afghanistan. Ismail Baqaei amelaani vikali shambulio hilo la kigaidi lililotokea jana Jumatano mjini Kabul na kumuua waziri wa masuala ya wakimbizi wa serikali ya Taliban nchini Afghanistan Khalil-ur-Rehman Haqqani na watu wengine kadhaa. Msemaji wa Wizara ya Mambo ya Nje ya Iran pia ametoa mkono wa pole kwa familia za wahanga wa shambulio hilo la kigaidi la Daesh na kuwaombea dua za kupona haraka majeruhi wa shambulizi hilo. Ismael Baqaei, Msemaji wa Wizara ya Mambo ya Nje ya Iran   Duru rasmi za serikali zimetangaza kuwa, Khalil-ur-Rehman Haqqani, Waziri wa Masuala ya Wakimbizi wa Serikali ya Taliban huk...
Read more