Ofisi ya Kudumu ya I.R.Iran UN: Iran itaifanya Israel ijutie uchokozi wa kigaidi iliofanya

 

Ofisi ya Kudumu ya I.R.Iran UN: Iran itaifanya Israel ijutie uchokozi wa kigaidi iliofanya

Aug 08, 2024 07:05 UTC
  • Ofisi ya Kudumu ya I.R.Iran UN: Iran itaifanya Israel ijutie uchokozi wa kigaidi iliofanya

Ofisi ya Uwakilishi wa Kudumu wa Jamhuri ya Kiislamu ya Iran katika Umoja wa Mataifa imesema Tehran itaufanya utawala wa Kizayuni wa Israel ujutie kitendo cha uchokozi wa kigaidi uliofanya hivi karibuni dhidi ya Jamhuri ya Kiislamu uliopelekea kuuawa shahidi kiongozi mkuu wa Hamas, Ismail Haniya.

Ofisi hiyo ya uwakilishi wa Jamhuri ya Kiislamu ya Iran katika UN ilitoa kauli hiyo jana Jumatano wakati wa kujibu masuali kuhusu madai kwamba Tehran inaweza ikafuta kisasi chake ikiwa Tel Aviv itafikia makubaliano na Hamas ambayo yataleta suluhu katika vita vinavyoendelea vya utawala huo vya mauaji ya kimbari dhidi ya Ukanda wa Ghaza.
 
"Tumekuwa tukifuatilia vipaumbele viwili kwa wakati mmoja," imeeleza ofisi hiyo ya uwakilishi wa Iran katika Umoja wa Mataifa na kufafanua kwa kusema: "kwanza, kufikiwa usitishaji vita thabiti huko Ghaza na kuondolewa wavamizi katika eneo hilo. Na pili ni kutoa adhabu ya mvamizi kwa mauaji ya Shahidi Haniya, kuzuia kurudiwa kwa vitendo vya uchokozi vya utawala wa Kizayuni, na kuwafanya Wazayuni wajutie kuingia kwenye mkondo huu".
Ali Bagheri Kani

Mapema jana Jumatano, Kaimu Waziri wa Mambo ya Nje wa Iran Ali Bagheri Kani alirudia na kutilia azma iliyonayo Jamhuri ya Kiislamu ya kuchukua hatua dhidi ya utawala wa Kizayuni.

 
Bagheri, ambaye alikuwa akihutubia kikao cha dharura cha Jumuiya ya Ushirikiano wa Kiislamu OIC mjini Jeddah, Saudi Arabia alisema Tehran haina chaguo jengine isipokuwa kulipiza kisasi dhidi ya utawala huo kutokana na mauaji hayo na kuongeza kuwa hatua hiyo ni muhimu ili kuzuia uchokozi zaidi dhidi ya Jamhuri ya Kiislamu wakati Baraza la Usalama la Umoja wa Mataifa limekaa bila ya kuchukua hatua yoyote.../

Comments

Post a Comment

Popular posts from this blog

Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa

Image
  Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa Mashirika yaliyotia saini Azimio la Machi 31 yamefanya mkutano na waandishi wa habari siku ya Jumatano, Novemba 20, kutaka wafungwa wote wa kisiasa waachiliwe. Haya yanajiri wakati mawaziri na viongozi 11 wa zamani wa vyama vya siasa wanaodai kurejeshwa kwa utaratibu wa kikatiba wamekuwa kizuizini kwa zaidi ya miezi mitano. Wanachama wote wa jukwaa hili, wanashitakiwa kwa "upinzani wa utumiaji wa mamlaka halali", haswa. Imechapishwa: 21/11/2024 - 05:03 Dakika 2 ...
Read more

Raia wa Somaliland, eneo lililojitenga na Somalia wanashiriki uchaguzi mkuu

Image
  Raia wa Somaliland, eneo lililojitenga na Somalia wanashiriki uchaguzi mkuu Wakaazi wa jimbo la Somaliland, lililojitenga na Somalia miaka 33 iliyopita, wanapiga kura leo kumchagua rais, kipindi hiki kukiwa na msukosuko wa kidiplomasia kai ya utawala wa Mogadishu na nchi jirani ya Ethiopia, iliongia mkataba wa kibiashara na usalama na jimbo hilo. Imechapishwa: 13/11/2024 - 05:54 Dakika 1 Hargeisa, Somaliland. 16 September 2021. AFP - EDUARDO SOTERAS ...
Read more

Iran yailaani Daesh (ISIS) kwa kumuua waziri wa serikali Taliban Afghanistan

Image
  Iran yailaani Daesh (ISIS) kwa kumuua waziri wa serikali Taliban Afghanistan Dec 12, 2024 06:28 UTC Msemaji wa Wizara ya Mambo ya Nje ya Iran amelaani mauaji ya Khalil-ur-Rehman Haqqani, waziri wa masuala ya wakimbizi wa serikali ya kundi la Taliban nchini Afghanistan. Ismail Baqaei amelaani vikali shambulio hilo la kigaidi lililotokea jana Jumatano mjini Kabul na kumuua waziri wa masuala ya wakimbizi wa serikali ya Taliban nchini Afghanistan Khalil-ur-Rehman Haqqani na watu wengine kadhaa. Msemaji wa Wizara ya Mambo ya Nje ya Iran pia ametoa mkono wa pole kwa familia za wahanga wa shambulio hilo la kigaidi la Daesh na kuwaombea dua za kupona haraka majeruhi wa shambulizi hilo. Ismael Baqaei, Msemaji wa Wizara ya Mambo ya Nje ya Iran   Duru rasmi za serikali zimetangaza kuwa, Khalil-ur-Rehman Haqqani, Waziri wa Masuala ya Wakimbizi wa Serikali ya Taliban huk...
Read more