OIC yasema, Israel 'inabeba dhima kamili' ya mauaji ya Kiongozi wa HAMAS Ismail Haniya

 

OIC yasema, Israel 'inabeba dhima kamili' ya mauaji ya Kiongozi wa HAMAS Ismail Haniya

Aug 08, 2024 06:32 UTC
  • OIC yasema, Israel 'inabeba dhima kamili' ya mauaji ya Kiongozi wa HAMAS Ismail Haniya

Jumuiya ya Ushirikiano wa Kiislamu (OIC) imeulaumu utawala wa Kizayuni wa Israel kwa shambulizi la kigaidi lililomuua Ismail Haniya Mkuu wa Tawi la Kisiasa la Harakati ya Muqawama wa Kiislamu ya Palestina HAMAS wiki iliyopita nchini Iran, ambayo Tehran imeapa kuyalipizia kisasi.

Mbali na kulaani mauaji hayo, taarifa iliyotolewa jana Jumatano baada ya kikao cha dharura cha jumuiya hiyo yenye wanachama 57 kilichofanyika nchini Saudi Arabia imesema "inaibebesha Israel, utawala unaokalia ardhi kwa mabavu, dhima kamili ya shambulio hilo ovu sana", ambalo imelitaja kuwa ni "ukiukaji mkubwa" wa mamlaka ya kujitawala ya Iran.
Kikao cha dharura cha OIC mjini Jeddah kimeitishwa kwa wito uliotolewa na Iran na Palestina.
Image Caption

 

Katika kikao hicho cha dharura cha Kamati ya Utendaji ya Jumuiya ya Ushirikiano wa Kiislamu OIC, Katibu Mkuu wa jumuiya hiyo Hissein Brahim Taha, mbali na kulaani mauaji ya Ismail Haniya na ukiukaji wa mamlaka ya kujitawala ya Jamhuri ya Kiislamu ya Iran uliofanywa na utawala wa Kizayuni katika amesema, jinai hiyo ovu iliyofanywa na utawala wa Kizayuni ni mwendelezo wa jinai za kivita na mauaji ya kimbari yanayofanywa kila leo na utawala ghasibu wa Israel dhidi ya Wapalestina katika Ukanda wa Ghaza, Ukingo wa Magharibi na Baitul Muqaddas.
 
Katika taarifa ya mwisho wa kikao hicho OIC imetahadharisha pia kuhusu upanuzi wa vitongoji vya walowezi wa Kizayuni katika ardhi za Palestina zinazokaliwa kwa mabavu na kusisitiza kuendeleza mshikamano wake imara na taifa la Palestina.
 
Ismail Haniya, Mkuu wa Ofisi ya Kisiasa ya Hamas na mmoja wa walinzi wake waliuawa shahidi katika hujuma ya kigaidi iliyotokea mjini Tehran alfajiri ya kuamkia Jumatano, tarehe 31 Julai.../

 

Comments

Post a Comment

Popular posts from this blog

Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa

Image
  Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa Mashirika yaliyotia saini Azimio la Machi 31 yamefanya mkutano na waandishi wa habari siku ya Jumatano, Novemba 20, kutaka wafungwa wote wa kisiasa waachiliwe. Haya yanajiri wakati mawaziri na viongozi 11 wa zamani wa vyama vya siasa wanaodai kurejeshwa kwa utaratibu wa kikatiba wamekuwa kizuizini kwa zaidi ya miezi mitano. Wanachama wote wa jukwaa hili, wanashitakiwa kwa "upinzani wa utumiaji wa mamlaka halali", haswa. Imechapishwa: 21/11/2024 - 05:03 Dakika 2 ...
Read more

Raia wa Somaliland, eneo lililojitenga na Somalia wanashiriki uchaguzi mkuu

Image
  Raia wa Somaliland, eneo lililojitenga na Somalia wanashiriki uchaguzi mkuu Wakaazi wa jimbo la Somaliland, lililojitenga na Somalia miaka 33 iliyopita, wanapiga kura leo kumchagua rais, kipindi hiki kukiwa na msukosuko wa kidiplomasia kai ya utawala wa Mogadishu na nchi jirani ya Ethiopia, iliongia mkataba wa kibiashara na usalama na jimbo hilo. Imechapishwa: 13/11/2024 - 05:54 Dakika 1 Hargeisa, Somaliland. 16 September 2021. AFP - EDUARDO SOTERAS ...
Read more

Iran yailaani Daesh (ISIS) kwa kumuua waziri wa serikali Taliban Afghanistan

Image
  Iran yailaani Daesh (ISIS) kwa kumuua waziri wa serikali Taliban Afghanistan Dec 12, 2024 06:28 UTC Msemaji wa Wizara ya Mambo ya Nje ya Iran amelaani mauaji ya Khalil-ur-Rehman Haqqani, waziri wa masuala ya wakimbizi wa serikali ya kundi la Taliban nchini Afghanistan. Ismail Baqaei amelaani vikali shambulio hilo la kigaidi lililotokea jana Jumatano mjini Kabul na kumuua waziri wa masuala ya wakimbizi wa serikali ya Taliban nchini Afghanistan Khalil-ur-Rehman Haqqani na watu wengine kadhaa. Msemaji wa Wizara ya Mambo ya Nje ya Iran pia ametoa mkono wa pole kwa familia za wahanga wa shambulio hilo la kigaidi la Daesh na kuwaombea dua za kupona haraka majeruhi wa shambulizi hilo. Ismael Baqaei, Msemaji wa Wizara ya Mambo ya Nje ya Iran   Duru rasmi za serikali zimetangaza kuwa, Khalil-ur-Rehman Haqqani, Waziri wa Masuala ya Wakimbizi wa Serikali ya Taliban huk...
Read more