Uingereza katika dimbwi la ghasia za siasa kali za wafuasi wa mrengo wa kulia

 

Uingereza katika dimbwi la ghasia za siasa kali za wafuasi wa mrengo wa kulia

  • Uingereza katika dimbwi la ghasia za siasa kali za wafuasi wa mrengo wa kulia

Serikali ya Uingereza imeitisha kikao cha dharura ikiwa ni radiamali ya kuenea ghasia na vitendo vya utumiaji mabavu vya wafuasi wa mrengo wa kulia dhidi ya wahamiaji na Waislamu.

Keir Starmer Waziri Mkuu wa Uingereza amelaani shambulizi dhidi ya hoteli moja ya wakimbizi huko Rotherham na kusema kuwa atashughulikia machafuko hayo "kwa kiwango cha juu kabisa cha sheria". Waziri Mkuu wa Uingereza ametaja machafuko hayo kuwa ni vitendo vya "makundi ya kihuni ya watu wa mrengo wa kulia" na kusema "watajuta” kwa vitendo vyao hivyo.

Vitendo vya Uasi na ghasia za makundi ya kibaguzi na yanayopinga wahajiri na Waislamu vimeongezeka katika wiki ya karibuni katika miji kadhaa ya Uingereza. Mashambulizi dhidi ya misikiti, maeneo ya ibada ya Waislamu, makazi ya raia, vituo vya biashara, wizi katika maduka yao na pia mapigano na polisi hadi sasa vimesababisha kujeruhiwa makumi ya watu wakiwemo polisi. Hali hii ya mambo imetajwa kuwa changamoto kwa serikali mpya ya Uingereza. Ghasia zilizoripotiwa katika miji kama vile Liverpool, Leeds na Belfast ziligeuka kuwa machafuko makubwa mwishoni mwa juma, wakati watu wenye siasa kali wa mrengo wa kulia walipopigana na polisi wa kutuliza ghasia, huku kukiripotiwa matukio mengi ya mashambulizi dhidi ya jamii za waliowachache hususan Waislamu katika mitaa ya miji kadhaa ya nchi hiyo.

 

Keir Starmer, Waziri Mkuu wa Uingereza

 

 Wizara ya Mambo ya Ndani ya Uingereza imesema kuwa,  "radiamali ya haraka" ya vikosi vya usalama itatumika kuzuia mashambulizi dhidi ya misikiti. Vurugu za ubaguzi wa rangi nchini Uingereza ni moja ya vitendo vya ukatili zaidi vya vikundi vya mrengo wa kulia dhidi ya wahamiaji Waislamu.

Chuki dhidi ya wahamiaji zimeenea nchini Uingereza na katika nchi nyingi za Ulaya. Makundi yenye misimamo mikali ya mrengo wa kulia nchini Uingereza na katika nchi nyingi za Ulaya hayaweki waziwazi misimamo yao ya chuki dhidi ya Uislamu. Makundi hayo yanataka kufukuzwa wahamiaji na wakati huo huo yanapinga alama na nembo yoyote ile ya Uislamu, na maeneo ya Kiislamu yanalengwa na kuandamwa na  makundi ya mrengo wa kulia na ya ubaguzi wa rangi. Matukio tunayoyashuhudia katika masiku haya katika baadhi ya miji ya Uingereza dhidi ya Waislamu na maeneo ya Kiislamu ni matokeo ya miongo kadhaa ya kuenea chuki dhidi ya Uislamu nchini Uingereza na nchi nyingi za bara Ulaya.

Uenezaji wa chuki dhidi ya Uislamu (Islamophobia) imekuwa sera ya kimkakati ya serikali ya Uingereza. Serikali ya zamani ya kihafidhina ya Uingereza ilikuwa ikiwaajiri  watu wanaopinga Uislamu katika serikali hiyo katika kipindi cha miaka 14 utawala wake na ilikuwa chimbuko la kuibuka na kuenea chuki dhidi ya Uislamu na Waislamu.

Chuki dhidi ya Uislamu na Waislamu zimeongezeka mno barani Ulaya

 

Serikali ya zamani ya kihafidhina ya Uingereza ilikusudia kuzuia shughuli za kijamii za Waislamu wa Uingereza vaada ya kupasisha sheria zenye kuwabana wahamiaji lengo likiwa ni kubinya harakati za kijamii za Waislamu katika nchi hiyo.

Swali linaloulizwa sasa na weledi wa mambo ni je, serikali ya sasa ya Chama cha Leba inayoongozwa na Waziri Mkuu Keir Starmer imekusudia kufuata mkondo wa siasa za kueneza chuki dhidi ya Uislamu zilizokokuwa zikipigiwa upatu na kutekelezwa na serikali iliyopita ya kifadhinian? Bila shaka hilo litafahamika kupitia jinsi serikali ya Uingereza itakavyokabiliana na vitendo vya utumiaji mabavu na vya kibaguzi vya makundi yenye kufurutu ada ya mrengo wa kulia.



Comments

Post a Comment

Popular posts from this blog

Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa

Image
  Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa Mashirika yaliyotia saini Azimio la Machi 31 yamefanya mkutano na waandishi wa habari siku ya Jumatano, Novemba 20, kutaka wafungwa wote wa kisiasa waachiliwe. Haya yanajiri wakati mawaziri na viongozi 11 wa zamani wa vyama vya siasa wanaodai kurejeshwa kwa utaratibu wa kikatiba wamekuwa kizuizini kwa zaidi ya miezi mitano. Wanachama wote wa jukwaa hili, wanashitakiwa kwa "upinzani wa utumiaji wa mamlaka halali", haswa. Imechapishwa: 21/11/2024 - 05:03 Dakika 2 ...
Read more

Raia wa Somaliland, eneo lililojitenga na Somalia wanashiriki uchaguzi mkuu

Image
  Raia wa Somaliland, eneo lililojitenga na Somalia wanashiriki uchaguzi mkuu Wakaazi wa jimbo la Somaliland, lililojitenga na Somalia miaka 33 iliyopita, wanapiga kura leo kumchagua rais, kipindi hiki kukiwa na msukosuko wa kidiplomasia kai ya utawala wa Mogadishu na nchi jirani ya Ethiopia, iliongia mkataba wa kibiashara na usalama na jimbo hilo. Imechapishwa: 13/11/2024 - 05:54 Dakika 1 Hargeisa, Somaliland. 16 September 2021. AFP - EDUARDO SOTERAS ...
Read more

Iran yailaani Daesh (ISIS) kwa kumuua waziri wa serikali Taliban Afghanistan

Image
  Iran yailaani Daesh (ISIS) kwa kumuua waziri wa serikali Taliban Afghanistan Dec 12, 2024 06:28 UTC Msemaji wa Wizara ya Mambo ya Nje ya Iran amelaani mauaji ya Khalil-ur-Rehman Haqqani, waziri wa masuala ya wakimbizi wa serikali ya kundi la Taliban nchini Afghanistan. Ismail Baqaei amelaani vikali shambulio hilo la kigaidi lililotokea jana Jumatano mjini Kabul na kumuua waziri wa masuala ya wakimbizi wa serikali ya Taliban nchini Afghanistan Khalil-ur-Rehman Haqqani na watu wengine kadhaa. Msemaji wa Wizara ya Mambo ya Nje ya Iran pia ametoa mkono wa pole kwa familia za wahanga wa shambulio hilo la kigaidi la Daesh na kuwaombea dua za kupona haraka majeruhi wa shambulizi hilo. Ismael Baqaei, Msemaji wa Wizara ya Mambo ya Nje ya Iran   Duru rasmi za serikali zimetangaza kuwa, Khalil-ur-Rehman Haqqani, Waziri wa Masuala ya Wakimbizi wa Serikali ya Taliban huk...
Read more