Blinken barani Ulaya kuunga mkono Ukraine baada ya uchaguzi wa Trump

 

Blinken barani Ulaya kuunga mkono Ukraine baada ya uchaguzi wa Trump

Mkuu wa diplomasia ya Marekani Antony Blinken amesafiri kwa ndege kuelekea Brussels siku ya Jumanne kwa mazungumzo ya dharura na nchi za Ulaya katika jaribio la kuharakisha misaada kwa Ukraine kabla ya rais mteule Donald Trump kuingia madarakani.

Imechapishwa:

Dakika 2
Mkuu wa diplomasia ya Marekani Antony Blinken yuko Brussels kwa mazungumzo ya dharura na nchi za Ulaya katika jaribio la kuharakisha misaada kwa Ukraine.
Mkuu wa diplomasia ya Marekani Antony Blinken yuko Brussels kwa mazungumzo ya dharura na nchi za Ulaya katika jaribio la kuharakisha misaada kwa Ukraine. REUTERS - Evelyn Hockstein
Na: RFI pamoja na AFP
Matangazo ya kibiashara

Waziri wa Mambo ya Nje wa Marekani atakutana na maafisa wa NATO na Umoja wa Ulaya siku ya Jumatano "kujadili uungaji mkono kwa Ukraine katika utetezi wake dhidi ya uvamizi wa Urusi," msemaji wake Matthew Miller amesema katika taarifa.

Rais wa zamani wa Marekani (2017-2021), ambaye atarejea Ikulu mnamo Januari 20, ameanza kushughulikia sula hili.

Alizungumza na Rais wa Ukraine Volodymyr Zelensky. Kulingana na Gazeti la Washington Post, pia alizungumza na Rais wa Urusi Vladimir Putin kumwomba kutozidisha mgogoro nchini Ukraine, habari hii hata hivyo ilikanushwa na Kremlin, ambayo ilizungumzia "habazi za uongo".

Donald Trump pia anajiandaa, kwa mujibu wa vyombo vya habari vya Marekani, kumteua seneta wa Florida mwenye ushawishi Marco Rubio kama waziri wake wa mambo ya nje. Hivi majuzi Marco Rubio alihisi kuwa vita vya Ukraine "lazima vikomeshwe".

- Kumaliza vita "kwa siku moja" -

Tajiri huyo mwenye umri wa miaka 78 amekuwa akidai mara kwa mara kuwa anaweza kumaliza vita "katika siku moja" hata kabla ya kuchukua madaraka, bila hata kueleza jinsi angefanya.

Lakini alihoji makumi ya mabilioni ya dola zilizotumiwa na Washington kwa Ukraine -- zaidi ya dola bilioni 60 kama msaada wa kijeshi tangu mashamulizi ya Urusi mnamo Februari 2022.

Kwa hivyo Rais anayemaliza muda wake Joe Biden anataka kuharakisha utoaji wa misaada ya kijeshi kwa Ukraine na kuendelea kuweka utaratibu ili nchi za Ulaya zichukue nafasi hiyo.

Kuna mabaki ya bahasha iliyopigiwa kura katika msimu wa kuchipua hadi dola bilioni 9.2 kutengwa, ikijumuisha bilioni 7.1 kuchukua kutoka kwa hisa za Marekani na bilioni 2.1 kufadhili kandarasi za ununuzi wa silaha, kulingana na Pentagon.

Mshauri wa Usalama wa Kitaifa wa White House Jake Sullivan aliongeza kiasi cha dola bilioni sita siku ya Jumapili na kuonya juu ya hatari ya kusitisha uungwaji mkono kutoka kwa Marekani.

"Mwisho wa utawala (unaomaliza muda wake), watajaribu kusafirisha chochote kinachopatikana," kama vile magari ya kivita na risasi za silaha ndogo ndogo, "ambavyo Ukraine inahitaji na ambavyo Marekani ina kiasi kikubwa," Mark. Cancian wa Kituo cha Mafunzo ya Kimataifa na Kimkakati (CSIS) huko Washington ameliambia shirika la habari la AFP.

- Nchi za Ulaya chini ya shinikizo -

Wakati Berlin ikiwa katika mzozo wa kisiasa, Waziri wa Mambo ya Nje wa Ujerumani Annalena Baerbock ameonya juu ya hatari ya kuona Vladimir Putin akitumia fursa ya mabadiliko ya kisiasa nchini Marekani kushinikiza faida yake nchini Ukraine.

Kila kitu ambacho Ulaya inaweza kuleta Ukraine "lazima kihamasishwe sasa", amesema waziri huyo, akisisitiza kuimarisha ulinzi wa anga wa nchi hiyo.

Comments

Post a Comment

Popular posts from this blog

Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa

Image
  Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa Mashirika yaliyotia saini Azimio la Machi 31 yamefanya mkutano na waandishi wa habari siku ya Jumatano, Novemba 20, kutaka wafungwa wote wa kisiasa waachiliwe. Haya yanajiri wakati mawaziri na viongozi 11 wa zamani wa vyama vya siasa wanaodai kurejeshwa kwa utaratibu wa kikatiba wamekuwa kizuizini kwa zaidi ya miezi mitano. Wanachama wote wa jukwaa hili, wanashitakiwa kwa "upinzani wa utumiaji wa mamlaka halali", haswa. Imechapishwa: 21/11/2024 - 05:03 Dakika 2 ...
Read more

Raia wa Somaliland, eneo lililojitenga na Somalia wanashiriki uchaguzi mkuu

Image
  Raia wa Somaliland, eneo lililojitenga na Somalia wanashiriki uchaguzi mkuu Wakaazi wa jimbo la Somaliland, lililojitenga na Somalia miaka 33 iliyopita, wanapiga kura leo kumchagua rais, kipindi hiki kukiwa na msukosuko wa kidiplomasia kai ya utawala wa Mogadishu na nchi jirani ya Ethiopia, iliongia mkataba wa kibiashara na usalama na jimbo hilo. Imechapishwa: 13/11/2024 - 05:54 Dakika 1 Hargeisa, Somaliland. 16 September 2021. AFP - EDUARDO SOTERAS ...
Read more

Iran yailaani Daesh (ISIS) kwa kumuua waziri wa serikali Taliban Afghanistan

Image
  Iran yailaani Daesh (ISIS) kwa kumuua waziri wa serikali Taliban Afghanistan Dec 12, 2024 06:28 UTC Msemaji wa Wizara ya Mambo ya Nje ya Iran amelaani mauaji ya Khalil-ur-Rehman Haqqani, waziri wa masuala ya wakimbizi wa serikali ya kundi la Taliban nchini Afghanistan. Ismail Baqaei amelaani vikali shambulio hilo la kigaidi lililotokea jana Jumatano mjini Kabul na kumuua waziri wa masuala ya wakimbizi wa serikali ya Taliban nchini Afghanistan Khalil-ur-Rehman Haqqani na watu wengine kadhaa. Msemaji wa Wizara ya Mambo ya Nje ya Iran pia ametoa mkono wa pole kwa familia za wahanga wa shambulio hilo la kigaidi la Daesh na kuwaombea dua za kupona haraka majeruhi wa shambulizi hilo. Ismael Baqaei, Msemaji wa Wizara ya Mambo ya Nje ya Iran   Duru rasmi za serikali zimetangaza kuwa, Khalil-ur-Rehman Haqqani, Waziri wa Masuala ya Wakimbizi wa Serikali ya Taliban huk...
Read more