EU: Hati za kukamatwa za ICC dhidi ya Netanyahu, Gallant na Deif lazima zitekelezwe

 

EU: Hati za kukamatwa za ICC dhidi ya Netanyahu, Gallant na Deif lazima zitekelezwe

Mkuu wa diplomasia ya Ulaya, Josep Borrell, amebainisha kwamba hati za kukamatwa zilizotolewa Alhamisi na Mahakama ya Kimataifa ya Uhalifu (ICC) dhidi ya Waziri Mkuu wa Israel Benjamin Netanyahu, Waziri wake wa zamani wa Ulinzi, Yoav Gallant, na mwanajeshi mkuu wa Hamas, Mohammed Deif, zinapaswa "kutumika".

Imechapishwa: Imehaririwa:

Dakika 1
Waziri Mkuu wa Israeli Benjamin Netanyahu na aliyekuwa Waziri wa Ulinzi wa Israeli Yoav Gallant nchini Israeli, Oktoba 31, 2024.
Waziri Mkuu wa Israeli Benjamin Netanyahu na aliyekuwa Waziri wa Ulinzi wa Israeli Yoav Gallant nchini Israeli, Oktoba 31, 2024. © Amir Cohen / Reuters
Na: RFI pamoja na AFP
Matangazo ya kibiashara

"Huu sio uamuzi wa kisiasa. Ni uamuzi wa mahakama, mahakama ya haki, mahakama ya kimataifa ya haki. Na uamuzi wa mahakama lazima uheshimiwe na kutumika,” Bw. Borrell amesema wakati wa mkutano na waandishi wa habari mjini Amman na mwenzake wa Jordan, Aymane Safadi.

ICC imetoa hati za kukamatwa Alhamisi dhidi ya Benjamin Netanyahu na Yoav Gallant "kwa uhalifu dhidi ya ubinadamu na uhalifu wa kivita uliofanywa angalau kuanzia Oktoba 8, 2023 hadi Mei 20, 2024."

Pia imetoa hati ya kukamatwa kwa Mohammed Deif, mkuu wa tawi la kijeshi la Hamas ya Palestina "kwa uhalifu dhidi ya ubinadamu na uhalifu wa kivita unaodaiwa kufanywa katika nchini Israeli na Palestina tangu angalau Oktoba 7, 2023," tarehe ya shambulio lisilokuwa na kifani la Hamas dhidi ya Israel kutoka Gaza ambalo lilizua vita vya sasa.

Uamuzi wa ICC kinadharia unaweka ukomo wa safari za Benjamin Netanyahu, kwani nchi yoyote kati ya 124 wanachama wa mahakama hiyo italazimika kumkamata katika ardhi yake.

"Uamuzi huu ni wa lazima, na Mataifa yote, nchi zote zinazohusika na sheria ya mahakama, ikiwa ni pamoja na wanachama wote wa Umoja wa Ulaya, wanatakiwa kutekeleza uamuzi huu wa mahakama," Bw. Borrell amesema.

Kulingana na Israel, Mohammed Deif aliuawa katika shambulio la Julai 13 kusini mwa Gaza, lakini Hamas inakanusha kifo chake.

Bw Borrell, waziri wa zamani wa Uhispania, anatazamiwa kuondoka madarakani mwezi ujao na nafasi yake kuchukuliwa na Waziri Mkuu wa zamani wa Estonia, Kaja Kallas.

Comments

Post a Comment

Popular posts from this blog

Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa

Image
  Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa Mashirika yaliyotia saini Azimio la Machi 31 yamefanya mkutano na waandishi wa habari siku ya Jumatano, Novemba 20, kutaka wafungwa wote wa kisiasa waachiliwe. Haya yanajiri wakati mawaziri na viongozi 11 wa zamani wa vyama vya siasa wanaodai kurejeshwa kwa utaratibu wa kikatiba wamekuwa kizuizini kwa zaidi ya miezi mitano. Wanachama wote wa jukwaa hili, wanashitakiwa kwa "upinzani wa utumiaji wa mamlaka halali", haswa. Imechapishwa: 21/11/2024 - 05:03 Dakika 2 ...
Read more

Raia wa Somaliland, eneo lililojitenga na Somalia wanashiriki uchaguzi mkuu

Image
  Raia wa Somaliland, eneo lililojitenga na Somalia wanashiriki uchaguzi mkuu Wakaazi wa jimbo la Somaliland, lililojitenga na Somalia miaka 33 iliyopita, wanapiga kura leo kumchagua rais, kipindi hiki kukiwa na msukosuko wa kidiplomasia kai ya utawala wa Mogadishu na nchi jirani ya Ethiopia, iliongia mkataba wa kibiashara na usalama na jimbo hilo. Imechapishwa: 13/11/2024 - 05:54 Dakika 1 Hargeisa, Somaliland. 16 September 2021. AFP - EDUARDO SOTERAS ...
Read more

Iran yailaani Daesh (ISIS) kwa kumuua waziri wa serikali Taliban Afghanistan

Image
  Iran yailaani Daesh (ISIS) kwa kumuua waziri wa serikali Taliban Afghanistan Dec 12, 2024 06:28 UTC Msemaji wa Wizara ya Mambo ya Nje ya Iran amelaani mauaji ya Khalil-ur-Rehman Haqqani, waziri wa masuala ya wakimbizi wa serikali ya kundi la Taliban nchini Afghanistan. Ismail Baqaei amelaani vikali shambulio hilo la kigaidi lililotokea jana Jumatano mjini Kabul na kumuua waziri wa masuala ya wakimbizi wa serikali ya Taliban nchini Afghanistan Khalil-ur-Rehman Haqqani na watu wengine kadhaa. Msemaji wa Wizara ya Mambo ya Nje ya Iran pia ametoa mkono wa pole kwa familia za wahanga wa shambulio hilo la kigaidi la Daesh na kuwaombea dua za kupona haraka majeruhi wa shambulizi hilo. Ismael Baqaei, Msemaji wa Wizara ya Mambo ya Nje ya Iran   Duru rasmi za serikali zimetangaza kuwa, Khalil-ur-Rehman Haqqani, Waziri wa Masuala ya Wakimbizi wa Serikali ya Taliban huk...
Read more