Matt Gaetz ajiondoa uteuzi wa kuwa Mwanasheria Mkuu Marekani

 

Matt Gaetz ajiondoa uteuzi wa kuwa Mwanasheria Mkuu Marekani

Saa 2 zilizopita

Matt Gaetz, ambaye alikuwa ameteuliwa na Donald Trump kuwa mwanasheria mkuu wa Marekani, amejiondoa kwenye mchakato wa uteuzi. Hii inafuatia upinzani mkali ikiwemo kutoka ndani ya chama chake cha Republican.

https://p.dw.com/p/4nIRi
Nakili kiunganishi
Mrepublican Matt Gaetz
Mbunge huyo wa zamani wa Florida, alikabiliwa na uchunguzi wa Wizara ya Sheria kwa karibu miaka mitatuPicha: Andrew Caballero-Reynolds/AFP

Katika taarifa kwenye mitandao ya kijamii, Gaetz amesema uteuzi wake umegeuka kuwa usumbufu kwa serikali inayokuja. Mbunge huyo wa zamani wa Florida, ambaye aliteuliwa wiki iliyopita, alikabiliwa na uchunguzi wa Wizara ya Sheria kwa karibu miaka mitatu.

Ulihusiana na tuhuma za kujihusisha na biashara haramu ya ngono lakini uchunguzi huo ulimalizika mwaka jana bila kufunguliwa mashitaka.

Soma pia:Rais mteule Donald Trump awateua wapambe wake

Gaetz pia alikabiliwa na uchunguzi wa muda mrefu wa jopo la maadili la bunge kuhusu tuhuma za matukio ya kingono na matumizi ya dawa za kulevya. Hata hivyo, alijiuzulu wiki iliyopita kutoka kiti chake katika Baraza la Wawakilishi.

Gaetz alikanusha tuhuma zote zilizomkabili. Rais mteule Trump amesema sasa atamteuwa Mwanasheria Mkuu wa zamani wa Florida Pam Bondi kuiongoza Wizara ya Sheria baada ya Gaetz kujiondoa.

Comments

Post a Comment

Popular posts from this blog

Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa

Image
  Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa Mashirika yaliyotia saini Azimio la Machi 31 yamefanya mkutano na waandishi wa habari siku ya Jumatano, Novemba 20, kutaka wafungwa wote wa kisiasa waachiliwe. Haya yanajiri wakati mawaziri na viongozi 11 wa zamani wa vyama vya siasa wanaodai kurejeshwa kwa utaratibu wa kikatiba wamekuwa kizuizini kwa zaidi ya miezi mitano. Wanachama wote wa jukwaa hili, wanashitakiwa kwa "upinzani wa utumiaji wa mamlaka halali", haswa. Imechapishwa: 21/11/2024 - 05:03 Dakika 2 ...
Read more

Raia wa Somaliland, eneo lililojitenga na Somalia wanashiriki uchaguzi mkuu

Image
  Raia wa Somaliland, eneo lililojitenga na Somalia wanashiriki uchaguzi mkuu Wakaazi wa jimbo la Somaliland, lililojitenga na Somalia miaka 33 iliyopita, wanapiga kura leo kumchagua rais, kipindi hiki kukiwa na msukosuko wa kidiplomasia kai ya utawala wa Mogadishu na nchi jirani ya Ethiopia, iliongia mkataba wa kibiashara na usalama na jimbo hilo. Imechapishwa: 13/11/2024 - 05:54 Dakika 1 Hargeisa, Somaliland. 16 September 2021. AFP - EDUARDO SOTERAS ...
Read more

Iran yailaani Daesh (ISIS) kwa kumuua waziri wa serikali Taliban Afghanistan

Image
  Iran yailaani Daesh (ISIS) kwa kumuua waziri wa serikali Taliban Afghanistan Dec 12, 2024 06:28 UTC Msemaji wa Wizara ya Mambo ya Nje ya Iran amelaani mauaji ya Khalil-ur-Rehman Haqqani, waziri wa masuala ya wakimbizi wa serikali ya kundi la Taliban nchini Afghanistan. Ismail Baqaei amelaani vikali shambulio hilo la kigaidi lililotokea jana Jumatano mjini Kabul na kumuua waziri wa masuala ya wakimbizi wa serikali ya Taliban nchini Afghanistan Khalil-ur-Rehman Haqqani na watu wengine kadhaa. Msemaji wa Wizara ya Mambo ya Nje ya Iran pia ametoa mkono wa pole kwa familia za wahanga wa shambulio hilo la kigaidi la Daesh na kuwaombea dua za kupona haraka majeruhi wa shambulizi hilo. Ismael Baqaei, Msemaji wa Wizara ya Mambo ya Nje ya Iran   Duru rasmi za serikali zimetangaza kuwa, Khalil-ur-Rehman Haqqani, Waziri wa Masuala ya Wakimbizi wa Serikali ya Taliban huk...
Read more