Urusi: Vita vya Ukraine vinachukua 'mkondo wa kidunia', anasema Vladimir Putin

 

Urusi: Vita vya Ukraine vinachukua 'mkondo wa kidunia', anasema Vladimir Putin

Vladimir Putin amezungumza katika hotuba ya televisheni mnamo Novemba 21, 2024, ambapo amethibitisha utumiaji wa kombora la masafa ya kati lisilo na kichwa cha nyuklia, lililotumiwa kushambulia jiji la Dnipro, nchini Ukraine. Hafichi nia yake ya kufanya shambulio katikanchi ambazo silaha zake zinatumiwa na Ukraine nchini Urusi.

Imechapishwa: Imehaririwa:

Dakika 2
Rais wa Urusi Vladimir Putin wakati wa hotuba yake kwa taifa, Novemba 21, 2024.
Rais wa Urusi Vladimir Putin wakati wa hotuba yake kwa taifa, Novemba 21, 2024. © Kremlin.ru / Handout via REUTERS
Na: RFI pamoja na AFP
Matangazo ya kibiashara

Rais wa Urusi Vladimir Putin ametangaza Alhamisi, Novemba 21, kwamba vikosi vyake viliishambulia Ukraine kwa kombora jipya la masafa ya kati, baada ya kushambulia mji wa Dnipro ambapo kombora hilo halikuwa na kichwa cha nyuklia. "Wahandisi wetu wameliita Oreshnik," Vladimir Putin amesema katika hotuba kwa taifa. Kulingana na rais wa Urusi, shambulio hili ulimelenga "eneo la kiwanda cha jeshi la Ukraine".

Katika hotuba yake iliyochukua chini ya dakika 10, rais wa Urusi ameshutumu mashambulio mawili ya hivi majuzi yaliyofanywa na Ukraine katika ardhi ya Urusi kwa kutumia makombora ya Marekani ya ATACMS na ya Uingereza ya Storm Shadow na kuzingatia kwamba mzozo wa Ukraine umechukua "tabia ya kimataifa", kwa kuwajibisha Watu wa Magharibi ambao waliidhinisha matumizi ya makombora ya Marekani na Ulaya kwenye ardhi ya Urusi.

"Tangu [makombora haya yaliporushwa nchini Urusi], na kama tulivyosisitiza mara kwa mara (hapo awali), mzozo uliochochewa na nchi za Magharibi nchini Ukraine ulichukua sura ya [mgogoro] wa asili ya ulimwengu," rais wa Urusi amesema. , akibainisha hata hivyo kwamba mashambulio ya makombora ya Magharibi yaliyorushwa na Ukraine kuelekea ardhi ya Urusi yameshindwa.

"Katika tukio la kuongezeka kwa vitendo vya fujo, tutajibu kwa nguvu sawa"

Rais wa Urusi Vladimir Putin amehakikisha kuwa nchi yake iko "tayari kwa matukio yote" katika mzozo kati ya Ukraine na washirika wake wa Magharibi.

"Siku zote tumekuwa tayari, na bado tuko tayari, kutatua shida zote kwa njia za amani, lakini pia tuko tayari kushughulikia maendeleo yoyote," amesema katika hotuba hii iliyotangazwa kwenye runinga ya Urusi. "Ikiwa kuna mtu bado ana shaka, haina maana. Daima kutakuwa na jibu,” ameonya, bila kuficha nia yake ya kupiga nchi ambazo silaha zao zinatumiwa na Ukraine nchini Urusi.

"Tunajiona kuwa ndani ya haki zetu za kutumia silaha zetu dhidi ya mitambo ya kijeshi ya nchi ambazo zinaidhinisha matumizi ya silaha zao dhidi ya mitambo yetu. Na katika tukio la kuongezeka kwa vitendo vya uchokozi, tutajibu vivyo hivyo,” amesema katika hotuba iliyowashangaza wengi.

Kulingana na Vladimir Putin, kombora hili la hypersonic haliwezi kushindwa.

"Hakuna njia leo ya kukabiliana na silaha kama hizo. Makombora hayo yanalenga kwa kasi ya Mach 10, au kilomita 2.5 hadi 3 kwa sekunde. Mifumo ya ulinzi wa anga inayopatikana sasa ulimwenguni na mifumo ya ulinzi wa makombora iliyoundwa na Marekani huko Ulaya haizuii makombora haya. Hili limetengwa,” amebainisha.

"Maendeleo yanatia wasiwasi", yasema Umoja wa Mataifa

 Utumiaji wa Moscow wa kombora jipya la masafa ya kati kushambulia Ukraine ni "maendeleo mapya yanayotia wasiwasi", msemaji wa Katibu Mkuu wa Umoja wa Mataifa amesema Alhamisi.

"Haya ni maendeleo mapya yanayotia hofu na yanayotia wasiwasi, yote yanakwenda katika mwelekeo mbaya," Stéphane Dujarric amewaambia waandishi wa habari. Ametoa wito kwa pande zote kuchukua "hatua za haraka za kupunguza mzozo ili kuhakikisha ulinzi wa raia na miundombinu muhimu ya kiraia," akirejelea wito wa Katibu Mkuu Antonio Guterres wa kukomesha vita hivi kwa mujibu wa sheria za kimataifa.

Comments

Post a Comment

Popular posts from this blog

Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa

Image
  Mali: Wanachama wa Azimio la Machi 31 watoa wito wa kuachiliwa kwa wafungwa wa kisiasa Mashirika yaliyotia saini Azimio la Machi 31 yamefanya mkutano na waandishi wa habari siku ya Jumatano, Novemba 20, kutaka wafungwa wote wa kisiasa waachiliwe. Haya yanajiri wakati mawaziri na viongozi 11 wa zamani wa vyama vya siasa wanaodai kurejeshwa kwa utaratibu wa kikatiba wamekuwa kizuizini kwa zaidi ya miezi mitano. Wanachama wote wa jukwaa hili, wanashitakiwa kwa "upinzani wa utumiaji wa mamlaka halali", haswa. Imechapishwa: 21/11/2024 - 05:03 Dakika 2 ...
Read more

Raia wa Somaliland, eneo lililojitenga na Somalia wanashiriki uchaguzi mkuu

Image
  Raia wa Somaliland, eneo lililojitenga na Somalia wanashiriki uchaguzi mkuu Wakaazi wa jimbo la Somaliland, lililojitenga na Somalia miaka 33 iliyopita, wanapiga kura leo kumchagua rais, kipindi hiki kukiwa na msukosuko wa kidiplomasia kai ya utawala wa Mogadishu na nchi jirani ya Ethiopia, iliongia mkataba wa kibiashara na usalama na jimbo hilo. Imechapishwa: 13/11/2024 - 05:54 Dakika 1 Hargeisa, Somaliland. 16 September 2021. AFP - EDUARDO SOTERAS ...
Read more

Iran yailaani Daesh (ISIS) kwa kumuua waziri wa serikali Taliban Afghanistan

Image
  Iran yailaani Daesh (ISIS) kwa kumuua waziri wa serikali Taliban Afghanistan Dec 12, 2024 06:28 UTC Msemaji wa Wizara ya Mambo ya Nje ya Iran amelaani mauaji ya Khalil-ur-Rehman Haqqani, waziri wa masuala ya wakimbizi wa serikali ya kundi la Taliban nchini Afghanistan. Ismail Baqaei amelaani vikali shambulio hilo la kigaidi lililotokea jana Jumatano mjini Kabul na kumuua waziri wa masuala ya wakimbizi wa serikali ya Taliban nchini Afghanistan Khalil-ur-Rehman Haqqani na watu wengine kadhaa. Msemaji wa Wizara ya Mambo ya Nje ya Iran pia ametoa mkono wa pole kwa familia za wahanga wa shambulio hilo la kigaidi la Daesh na kuwaombea dua za kupona haraka majeruhi wa shambulizi hilo. Ismael Baqaei, Msemaji wa Wizara ya Mambo ya Nje ya Iran   Duru rasmi za serikali zimetangaza kuwa, Khalil-ur-Rehman Haqqani, Waziri wa Masuala ya Wakimbizi wa Serikali ya Taliban huk...
Read more